Səudiyyə Ərəbistanı İrana sərmayə yatıracaq.
Medianews.az xəbər verir ki, bu barədə ölkənin maliyyə naziri Məhəmməd əl-Cədan Ər-Riyad və Tehran arasında əldə olunan razılaşmadan sonra ölkəsinin İrana yatırdığı sərmayələr sürətlə reallaşacağını bildirib.Cedan Səudiyyə Ərəbistanı Dövlət İnvestisiya Fondunun təşkilatçılığı ilə keçirilən Beynəlxalq Maliyyə Sənayesi Forumunda çıxış edib.
Səudiyyə Ərəbistanının İranda investisiyaları üçün fürsət olduğunu bildirən Cedan, bu investisiyaların başlamasında heç bir problem görmədiyini bildirib.
Tehranla razılaşmaya sadiq olduqlarını vurğulayan Cedan, Səudiyyə Ərəbistanı səlahiyyətlilərinin bu sazişi regionun sabitləşməsi, xalqların ehtiyaclarının ödənilməsi, investisiyaların və rifahın təmin edilməsi istiqamətində atılan addımların bir hissəsi kimi imzaladıqlarına diqqət çəkib.
“İran qonşu ölkədir və yüz illər belə qalacaq” deyə vurğulayan Səudiyyə Ərəbistanı naziri sözlərini belə davam etdirib:
“İran bizim üçün qonşu ölkədir və yüz illərlə belə qalacaq. Mən İranla münasibətlərin normallaşmasına, xüsusən də investisiya, inkişaf və iqtisadi sahələrdə heç bir maneə görmürəm. Bizə və İrana sabitlik lazımdır”.
Xatırladaq ki, 2016-cı il yanvarın 2-də Səudiyyə Ərəbistanında şiə din xadimi Nimr ən-Nimr də daxil olmaqla 47 nəfər “terrorçuluq” ittihamı ilə edam edilib.
Edamlara reaksiya verən İran rəsmilərinin açıqlamalarından sonra İranda nümayişçilər tərəfindən Səudiyyə Ərəbistanının Tehrandakı səfirliyi və Məşhəd şəhərindəki konsulluq binaları yandırılıb.
Yəməndə 2015-ci ilin martında başlayan böhran səbəbindən onsuz da gərgin olan iki ölkə arasında diplomatik əlaqələr tamamilə kəsilib.
İran və Səudiyyə Ərəbistanı rəsmiləri birbaşa danışıqlar aparmaq üçün 2021-ci ilin aprelində Bağdadda görüşüblər və İraqın vasitəçiliyi ilə danışıqlar bundan sonra davam edib.
Ər-Riyad və Tehran 7 ildən sonra Pekində Çin hakimiyyəti vasitəsilə martın 10-da diplomatik münasibətlərin bərpası barədə razılığa gəliblər.
Medianews.az