Gürcüstan iki gecə davam edən şiddətli etirazlardan sonra mübahisəli “xarici agentlər” qanun layihəsini geri götürüb.
Medianews.az xəbər verir ki, Gürcüstanın hakim partiyası iki gecə davam edən şiddətli etirazlardan və Rusiyanın oxşar qanunundan ilhamlandığına dair tənqidlərdən sonra “xarici agentlər” qanun layihəsini geri götürüb.
“Biz heç bir qeyd-şərtsiz dəstəklədiyimiz qanun layihəsini qeyd-şərtsiz geri götürürük”,- partiyanın bəyanatında qeyd edilib.
Gürcüstanda “xarici təsirin şəffaflığı haqqında” qanunun təsdiqlənməsinə etiraz edən nümayişçilər Parlament binasını mühasirəyə almağa cəhd edərkən, təhlükəsizlik qüvvələri tərəfindən gözyaşardıcı qaz və şırnaqdan istifadə etməklə dağıdılıb.
Qanunda nəzərdə tutulurdu ki, KİV və qeyri-hökumət təşkilatları maliyyələrinin 20 faizindən çoxu xarici mənbələrdən əldə edilərsə, onlar “xarici agent” kimi qeydiyyata alınacaqlar.
Qeyd edək ki, müxaliflər isə qanunun ölkəni Avropa İttifaqı üzvlüyündən çıxaracağını müdafiə edirdilər.
Medianews.az