O, təkcə kral ailəsinin ən sevimli üzvü deyil, həm də gələcək kraliçadır. Üstəlik, davranışı və ləyaqətli duruşu ilə hər kəsin diqqət çəkdiyi ictimai şəxsiyyətdir.
Haqqında danışdığımız şəxs Uels şahzadəsi Uilyamın həyat yoldaşı, Uels şahzadəsi və Britaniya taxtının gələcək kraliçası Keyt Middltondur. Uilyamla evləndikdən və kral ailəsinin üzvü olduqdan sonra Keyt Middlton həm taxt-tacın varisləri olan uşaqları dünyaya gətirib, həm də vəzifə və məsuliyyətlərini yerinə yetirib. Bunu edərkən o, həmişə böyük bir zəriflik nümayiş etdirməyi də bacarıb.
O, ictimaiyyətlə qaynayıb-qarışması və sadə geyim seçimləri ilə hər zaman gündəmdə olur. Gündəlik zəriflik anlayışının tam ekvivalentinə çevrilməklə yanaşı, müasir görünüşü ilə də kralın gələcək siması olmağı bacarıb.
Medianews.az xəbər verir ki, Keyt Middlton dünən İrlandiyaya etdiyi sürpriz səfərdə verdiyi pozalarla bir daha bütün diqqətləri asanlıqla üzərinə çəkməyi bacarıb. O, gündəlik paltarını soyunub və hərbi kamuflyaj geyinib. Fəxri polkovnik kimi İrlandiya Qvardiyasına baş çəkib.
Çox soyuq və qarlı havada baş tutan bu səfərdə hərbi kamuflyajda görünən Keyt Middlton görüntüləri ilə sosial mediada da gündəmə çevrilib.
Keyt Middltonun 8 Mart Beynəlxalq Qadınlar Günündə etdiyi bu səfər qadın hərbçilərə dəstək olmağı hədəflədiyi kimi şərh edilib.
Medianews.az