Media
“Rusların hər biri cəzalandırılmalıdır”
Bu sözləri Vladimir Zelenski növbəti dəfə videomüraciətində bildirib.
Medianews.az xəbər verir ki, Zelenski bildirib ki, dünya birliyi hələ ki, Rusiyanı təcavüzkar müharibəsinə görə cəzalandırmaq üçün kifayət qədər səy göstərməyib:
“Eyni zamanda, dünya Rusiya Federasiyasını müharibəyə görə cəzalandıracaq qədər güclüdür. Biz addım-addım terrorçunun cəzalandırılması istiqamətində iş aparırıq. Ukraynaya qarşı müharibədə iştirak edən rusların hər biri cəzalandırılmalıdır”.
Maraqlıdır ki, Zelenski bu sözləri Ukrayna Silahlı Qüvvələri və Ukrayna xüsusi xidmət orqanları ilə yaxın əlaqələri olan şəxslər tərəfindən Çerniqov vilayəti ərazisindən terror aktı törədildikdən cəmi bir neçə gün sonra dilə gətirib.
Xatırladaq ki, terrorçuların Bryansk vilayətinin Klimovski rayonuna hücumu nəticəsində iki yerli sakin həlak olub, 10 yaşlı məktəbli yaralanıb, daha sonra Rusiya Qvardiyasının əsgərləri, diversantlar tərəfindən minanın partladılması nəticəsində və partlayıcı qurğular üzrə mühəndis yaralanıb.
Medianews.az
