Xəbər verdiyimiz kimi Azərbaycan Respublikasının Prezidenti İlham Əliyevin Sərəncamı ilə Murad Hüseynov mədəniyyət nazirinin müavini təyin edilib.
Medianews.az xəbər verir ki, Murad Hüseynov öz şəxsi “Facebook” səhifəsində paylaşım edərək bu sözləri qeyd edib:
“Əziz dostlar,
Dövlət başçısına, möhtərəm Prezidentimizə göstərdiyi yüksək etimada görə dərin təşəkkürümü bildirirəm.
Sizlərdən çoxsaylı təbriklər gəldi.
Diqqətinizə görə minnətdaram.
Cənab Prezidentə ünvanladığım təşəkkür məktubunda da qeyd etdiyim kimi mədəniyyətimizin inkişafına dövlətimiz tərəfindən göstərilən diqqət və qayğını örnək götürərək fəaliyyətimin əsas prinsipinə çevirəcəyəm.
Təbriklərinizə görə təşəkkür edirəm”.
Qeyd edək ki, Murad Hüseyinov bu təyinatadək Beynəlxalq Muğam Mərkəzinin direktoru vəzifəsində çalışıb. Pianoçu, beynəlxalq müsabiqələr laureatı , Azərbaycan Respublikasının Xalq aristidir. 2001 – ci ildən Bakı Musiqi Akademiyasında müəllim- professor kimi fəaliyyət göstərib.
Medianews.az