Media
İranda məktəbli qızların kütləvi zəhərlənməsi yeni aksiyaların əsasını qoyub.
Belə ki, paytaxt Tehranda və İranın digər şəhərlərində məktəbli qızların naməlum zəhərli maddə ilə zəhərlənməsi ilə bağlı etirazlar başlayıb.
Cebhe.info xəbər verir ki, bu barədə “Reuters” yazıb.
Agentliyin məlumatına görə, zərərçəkmiş qızlar ürəkbulanma, ürək döyüntüsü və baş ağrılarından şikayət ediblər. Ümumilikdə yüzlərlə şagird zəhərlənib. İran rəsmiləri buna görə həmişə olduğu kimi, yenə də “Tehranın düşmənlərini” günahlandırıblar.
Eyni zamanda, ölkənin Səhiyyə Nazirliyinin rəhbəri məktəbli qızların “yüngül zəhərlənmə”dən əziyyət çəkdiyini bildirib. İranın daxili işlər naziri Abdolreza Rahmani Fazli bildirib ki, müstəntiqlər tədqiq olunan “şübhəli nümunələr”i tapıblar. Naizr detalları açıqlamayıb.
Şənbə günü naməlum xəstəlik İranın 31 əyalətindən ən azı 10-da 30-dan çox məktəbi əhatə edib. “Reuters”-in yaydığı videoya görə, zəhərlənən qızların valideynləri şənbə günü zəhərlənmələrə etiraz etmək üçün Tehrana-Təhsil Nazirliyinin binasının qarşısına gediblər. Daha sonra onlara böyük kütlə qatılıb və nəticədə aksiya hökumət əleyhinə nümayişə çevrilib.
Zəhərlənən məktəbli qızlar Məhsa Əmininin polis bölməsində ölümündən sonra sentyabr ayında başlayan hökumət əleyhinə etirazlarda iştirak ediblər. Buna görə də onların cəzalandırlması üçün hökumətin bu tədbirə əl atdığı bildirilir.
