Media
Kahramanmaraşda 7,7 və 7,6 bal gücündə zəlzələlərdən zərər çəkən Hatayın Tepehan kəndində 30 metr dərinliyində 500 metr uzunluğunda çat görənləri heyrətə gətirir.
Medianews.az xəbər verir ki, hadisənin baş verdiyi zeytun bağları ərazisi dronlar ilə havadan görüntülənib.
Bölgənin zəlzələdən əvvəlki və sonrakı peyk görüntüləri də fəlakətin böyüklüyünü ortaya qoyub.
Sözügedən yarıq Hatayın Altınözü mahalının Tepehan kəndinin ortasındakı 35 hektarlıq zeytun bağını ikiyə bölüb. Təxminən 30 metr dərinliyində və 500 metr uzunluğunda olan yarıq görənləri heyrətə gətirir.
Zəlzələdən sonra kənddə demək olar ki, bütün evlər yararsız hala düşüb. Vətəndaşlar yük maşınlarında və qurduqları çadırlarda yaşamağa davam edir.
Medianews.az
