Mahsun Kırmızıgül od püskürdü: “Allah bəlanızı versin”

Kahramanmaraş mərkəzli zəlzələlərdən sonra bölgələrə gedərək yardım edən məşhur müğənni və rejissor Mahsun Kırmızıgül sosial media hesabında paylaşım edərək od püskürüb.

Medianews.az xəbər verir ki, zəlzələ bölgəsindəki fürsətçilərə qarşı üsyan edən müğənni “Allah bəlanızı versin”,-deyə paylaşım edib.

“Twitter” hesabından paylaşım edən müğənni yükdaşıma şirkətlərindən də gileylənib: 

“Xalqımız birləşib, bir-birinə kömək etdiyi halda, bəzi acgöz fürsətçilər zəlzələ qurbanlarını aldatmaqdan utanmırlar. Liftlər və yükdaşıyanlar kirayə haqqını 5 dəfə, ev sahibləri isə 3 dəfə artırıblar. Hazırda mən zəlzələ qurbanlarımızın ümumi fəryadını çatdırıram. Allah bəlanızı versin”

Qeyd edək ki, Mahsun Kırmızıgül Haluk Leventin qurduğu Dostlar Dərnəyi ilə koordinasiyalı olaraq iş aparır.