Media
“Əl Nassr” forması geyinən Kriştiano Ronaldo Səudiyyə Ərəbistanında qaldığı otelə ödədiyi pulla gündəm olub.
Medianews.az xəbər verir ki, otel portuqaliyalı ulduza 250 min funt-sterlinq qəbz çıxarıb, onun ailəsi və yaxınları üçün 17 otaq ayırlıb.
Qeyd edək ki, Kriştiano Ronaldonun “Mançester Yunayted”dən ayrıldıqdan sonra Səudiyyə Ərəbistanının “Əl Nassr” komandasına transferi böyük səs-küyə səbəb olmuşdu. Portuqaliyalı ulduz bu dəfə də ölkədə qaldığı otelə ödədiyi pulla müzakirə mövzusuna çevrilib.
Oteldən çıxış edərək Səudiyyə Ərəbistanındakı yeni evinə köçən Ronaldonun yüksək səviyyədə təhlükəsizlik tədbirlərinin görüldüyü xüsusi ərazidə qalacağı bildirilir.
Bundan əlavə, transferdən dərhal sonra klubun ulduz oyunçusuna xüsusi olaraq hazırlanmış, 630 min funt dəyərində saat bağışlandığı da müzakirə mövzusu olmuşdu.
Məlumat üçün onu da bildirək ki, Kriştiano Ronaldo “Əl Nassr”ın heyətində 5 oyunda 5 qol vurub, 2 məhsuldar ötürmə edib.
Medianews.az
