İsrail qüvvələri Nablusa basqın etdi: ölənlər və yaralananlar var

İsrail hərbçilərinin işğal altındakı İordan çayının qərb sahilindəki Nablus şəhərinə təşkil etdiyi basqında 9 fələstinli ölüb, 100-dən çoxu yaralanıb.

Medianews.az bildirir ki, İsrail qüvvələri İordan çayının qərb sahilinin şimalındakı Nablus şəhərinə bir neçə nöqtədən basqın edib.

Nablusun tarixi Köhnə Şəhərində bir evi mühasirəyə alan İsrail əsgərləri basqına etiraz edən fələstinlilərə canlı güllələrlə cavab verib.

Fələstin Səhiyyə Nazirliyi İsrail əsgərlərinin hücumu nəticəsində 9 fələstinlinin öldüyünü, 102 nəfərin yaralandığını açıqlayıb.

Yaralılardan 6-nın vəziyyətinin ağır olduğu və rayon xəstəxanalarına göndərildiyi bildirilib. Fələstinin rəsmi agentliyi WAFA-nın xəbərində İsrail qüvvələrinin canlı güllələrlə müdaxiləsi nəticəsində 2 jurnalistin yaralandığı bildirilib.

İsrail qüvvələrinin bölgəyə basqın etməsindən sonra hadisələr davam edir.

Medianews.az