Media
Aktrisa Xəyalə Quliyeva iki ay maaş almadığını bildirib.
OLAY yazır ki, bu barədə o, TikTok-da canlı yayım edərkən deyib. Xəyalə deyib ki, Türkiyədə baş verən zəlzələ səbəbindən dünyasını dəyişənlərə ehtiram əlaməti olaraq “Komedixana” yayımlanmır.
““Komedixana” bu həftə də Türkiyədəki faciəyə görə olmayacaq. Konsertdən sonra iki çəkilişimiz olub. İki aydır maaş almırıq. Hamı qınayır, nələrsə deyir. Amma hər kəs də iş-gücündədir”,- deyə aktrisa bildirib.
X. Quliyeva onu da bildirib ki, 44 günlük Vətən Müharibəsində Türkiyədə şou proqramlar davam edib:
“Onlara öz vətəndaşları demədi ki, Azərbaycanda müharibə gedir, niyə konsert verirsən? Biri başa düşüb demir ki, bizim işimiz dayanıb. Biz yardım topladıq, göndərdik. Amma onların öz “makler”ləri zəlzələdə evsiz qalanlara mənzil vermirdi, qiymət oxuyurdular. Amma yenə də qınanan biz oluruq. Biz ancaq özümüzü “vururuq”. İşimiz budur. Adi çəkilişə geyim verir, onu paylaşıb reklam edirsən. Bunu qınayırlar. Kimə işdən 40 gün icazə verirlər? Uzağı bir həftə! Hamı işləyir! Amma bir biz oturmuşuq”.
Xəyalə ilə bərabər canlıda olan aktrisa Zarina Qurbanova bunları deyib:
“Mənasız insanlardır, diqqət çəkir. Cavidan Novruzun ad günündən video paylaşılmışdı. Bir Türkiyə vətəndaşı yazmışdı ki, biz sizin 44 günlük müharibədə heç yas saxlamadıq. Sağ olun ki, bizim yasımızı saxlayırsız.
Çox yaxşı yazmışdı. Həkimlərin işi iynə vurmaqdırsa, bizim işimiz budur. Efir insanlarıyıq. Üzümüz gülürsə, o demək deyil ki, nələrsə yazıb qəlbimizi qırasız”.
