Çoxlu sayda insanın həyatını itirdiyi və Türkiyənin 11 əyalətinə ziyan vurduğu zəlzələdən sonra bütün gözlər İstanbuldadır.
Medianews.az xəbər verir ki, meqapolisin ən sıx məhəllələrindən biri olan Esenyurtda baş verə biləcək zəlzələ zamanı aşacağı iddia edilən bina sosial mediada gündəm olub.
Yenidən zəlzələ reallığı ilə üz-üzə qalan Türkiyədə ola biləcək İstanbul zəlzələsi gündəmə gətirilib. Professorlar bir-birinin ardınca İstanbulla bağlı proqnozlarını bölüşərkən, İstanbuldakı binaların dayanıqlılığı maraq doğurur.
Sosial şəbəkələrdə paylaşılan bir foto narahatlığı daha da artırıb. Esenyurt səmtində 19 min kvadratmetr sahədə tikilmiş çoxmərtəbəli lüks mənzilləri olan göydələn qısa zamanda aktual məsələyə çevrilib. 38 mərtəbəli olduğu iddia edilən sözügedən binanın ola biləcək bir zəlzələdə çökmə ehtimalı şəhər sakinlərini qorxuya salıb.
Medianews.az