Konqo Demokratik Respublikası (KDC) qonşusu Ruandanın ölkəsinin şərqinə qoşun yeritdiyini iddia edib.
Medianews.az bildirir ki, Konqo ordusundan verilən açıqlamada Ruandanın sərhəddəki Doss bölgəsinə yüzlərlə əsgər göndərdiyi iddia edilib.
Açıqlamada 356 Ruanda əsgərinin 23 Mart Hərəkatı (M23) adlı üsyançı qrupa dəstək vermək üçün Kasizi sərhədindən KDC ərazisinə daxil olduğu iddia edilib.
Ruanda ordusu dünən KDC ordusunun sərhəd bölgəsindəki qoşunlarına atəş açdığını açıqlayıb.
Şərqi KDC-də hücumlar həyata keçirən və əsasən Tutsi etnik mənşəli M23-ə dəstək verməkdə günahlandırılan Ruanda ona qarşı irəli sürülən ittihamları rədd edir.
Ruanda hökuməti isə KDC-ni Hutu və soyqırımdan əvvəl Ruanda ordusunun üzvlərini, Ruandanın Azadlığı üçün Demokratik Qüvvələri (FDLR) və buna bənzər qrupları dəstəkləməkdə ittiham edir.