“Mançester Siti”nin baş məşqçisi Xosep Quardiola İngiltərə Premyer Liqasının 12-ci turundan təxirə salınan oyundan – “Arsenal”la səfər matçından 3:1 sonra açıqlama verib.
Medianews.az Fanat.Az-a istinadən xəbər verir ki, məlumatına görə, BBC onun dediklərini belə çatdırıb:
“Arsenal” növbəti oyunu udsa, yenidən turnir cədvəlində ilk pilləyə qayıdacaq. Onların ehtiyatda bir görüşləri də var. Rəqib komandadakıların etdikləri inanılmazdır. Ancaq biz də titul uğrunda mübarizə aparırıq. Qarşıda bizi hələ 15 çempionat oyun gözləyir. Bu, kifayət qədər çoxdur. Üstəlik, Çempionlar Liqası yaxınlaşır. Çox oyun futbolçular üçün çox yüklənmə deməkdir. Bilirik irəlidəki Premyer Liqa oyununda məğlub olsaq, “Arsenal”dan 3 yox, 6 xal geri düşə bilərik. Hər şey sonda bəlli olacaq. Dəqiqləşdirsək, son 7-8 Premyer Liqa qarşılaşması xüsusi önəm daşıyacaq”.
Xatırladaq ki, “şəhərlilər” “Emireyts”dəki zəfər sayəsində liderliyi ələ keçirib.