Media
Azərbaycan Gənclər Fondunun maliyyə dəstəyi və “ASAN Könüllüləri” Təşkilatının təşkilatçılığı ilə təşkil olunan “Təmiz Aran” layihəsinin birinci günündə “ASAN Könüllüləri” və “Gənclərin İnkişaf və Karyera Mərkəzi”nin gənclərinin iştirakı ilə Bərdə rayonunda təmizlik aksiyası baş tutub.
İlk növbədə Bərdə regional “ASAN xidmət” mərkəzində layihə iştirakçıları ilə ilkin görüş keçirilib ardınca iştirakçılar üçün çay süfrəsi təşkil olunub. Daha sonra isə iştirakçılar Şəhidlər Xiyabanını ziyarət edib.Ziyarət zamanı şəhidlərin məzarlarına gül dəstələri qoyulub,ziyarət zamanı Şəhidimiz Xudayar Yusifzadənin anası ilə də görüş olub.
Daha sonra isə Bərdə rayonundan keçən Tərtər çayının sahilyanı ərazisində və Xan meşəsində Bərdə regional “ASAN xidmət” mərkəzinin könüllüləri və Gənclərin İnkişaf və Karyera Mərkəzinin Bərdə nümayəndəliyinin gənclərinin iştirakı ilə təmizlik aksiyası həyata keçirilib.
Yekunda isə iştirakçılar sertifikatlarla təltif edilib,təşkilatı dəstək üçündə tərəfdaş qurumların nümayəndələrinə promo məhsul və sertifikat verilib.
Layihənin əsas məqsədi ətraf mühitin təmizlənilməsi, əhalinin sıx olduğu ərazilərin tullantılardan azad edilməsi və cəmiyyətimizdə ekoloji məsuliyyətin gücləndirilməsidir. Qeyd edək ki, layihənin növbəti günləri Ağcabədi və Yevlax regionlarında ASAN Könüllüləri və Gənclərin İnkişaf və Karyera Mərkəzinin könüllülərinin iştirakı ilə həyata keçiriləcək.
