Media
Türkiyənin Kahramanmaraş şəhərində 7,7 və 7,6 bal gücündə 2 zəlzələdən sonra fəlakət yaşanıb. Bölgədə çoxlu evlər dağılıb, xeyli insan həyatını itirib.
Sözügedən fəlakətdən sonra dünya ölkələrindən Türkiyəyə yardımlar gəlməkdə davam edir.
Medianews.az xəbər verir ki, Kahramanmaraşda 20 mindən çox insanın ölümü ilə nəticələnən zəlzələlərdən sonra Albaniyada fevralın 13-ü milli matəm günü elan edilib.
Türkiyənin Tirandakı səfirliyindən verilən açıqlamada, “Qardaş Albaniya 13 fevralı milli matəm elan etməklə bir daha ölkəmizlə həmrəy olduğunu nümayiş etdirdi. Zəlzələ zonasına qrup göndərən ilk ölkələrdən biri olan Alban hökumətinə və qardaş alban xalqına minnətdarlığımızı bildiririk”.
Albaniya naziri isə açıqlamasında, “Ürəyimiz və ağlımız türk xalqı və dövlətinin yanındadır. İlk andan dəstəyimiz və köməyimiz var və bacardığımız qədər davam edəcəyik”.
