Hatayın ən çox ziyan çəkən mərkəzi olan Antakyada zəlzələnin üçüncü günündə möcüzə baş verib. İstanbuldan xidmətçi işləmək üçün Antakyaya gələn və 6 mərtəbəli binanın birinci mərtəbəsində yaşayan Kadir Bayrak dağılan binadan sağ çıxmağı bacarıb.
Belə ki, Zəlzələdən 57 saat sonra ilk iki mərtəbəsi uçan binanın dağıntıları altından 48 yaşlı Bayrak təkbaşına çıxıb. Binadakı yanğından sonra ilişdiyi kərpiclərin büküldüyünü və onları itələyərək çölə çıxa bildiyini bildirib.
Hazırda xəstəxanada müalicə alan Bayrak belə deyib:
“Mən sütunlar arasında idim, sinəmə beton düşdü. Bura gələn xialsedicilərin səsini eşitdim, amma səsimi eşitmədilər. Biz gözlədiyimiz vaxt yanğın baş verdi. Yanğın çıxdığı üçün kərpiclər dağıldı. Məndə dırnaqlarımla qazaraq çıxmağı bacardım. Dağıntılar arasında gözləyəndə yuxarıdan çipslər düşdü, yedim. Mən xilas olunmağımı gözləyirdim”.
Kadir Bayrakın çıxdığı binanın yuxarı mərtəbələri tam sökülməsə də, ilk iki mərtəbəsi tamamilə uçub. Yuxarı mərtəbələrdə yaşayanların öz imkanları ilə çölə çıxdıqları, dağılan hissədə dağıntılar arasında başqa şəxslərin də olduğu bildirilib. Xilasetmə qruplarının bir müddət əvvəl binaya gəldikləri, dinlədikləri, lakin eşitmədikləri üçün işə başlamadıqları öyrənildi.
Qəzanın başında yaxınlarını gözləyənlər çölə çıxan Bayrakı “yanğını sən edibsən ” deyərək ittiham ediblər. Bayrak, “Mən də dağıntılar altında idim, onu necə çıxara bilərəm?” deyə cavab verib.
Altı mərtəbəli binanın birinci mərtəbəsində baş verən yanğın Kadirin xilası olub.
Medianews.az