Türkiyə və Suriyada baş verən zəlzələlərə diqqət çəkən ABŞ prezidenti Co Bayden bildirib ki, bu 100 ildən artıqdır ki, bölgədə baş verən ən pis zəlzələlərdən biridir.
Bayden bu sözləri səfər etdiyi Viskonsin ştatında deyib.
Bayden çıxışına Amerika xalqının düşüncələrinin və dualarının Türkiyə və Suriyada baş verən zəlzələlərdən zərər çəkənlərlə olduğunu söyləyərək başlayıb:
“Bu, son 100 ildən artıqdır ki, regionda baş verən ən pis zəlzələlərdən biridir” ifadəsini işlədib.
Can itkisi üçün yas tutduqlarını bildirən Bayden, dağıntılar altından zəlzələ qurbanlarının cəsədlərinin çıxarılmasının çox çətin olduğunu qeyd edib:
“Zəlzələ inanılmaz dərəcədə güclü idi”.
Bayden, zəlzələdən dərhal sonra prezident Rəcəb Tayyib Ərdoğana zəng etdiyini və ABŞ-ın axtarış-xilasetmə qrupları da daxil olmaqla, NATO müttəfiqi Türkiyəyə tam dəstəyini təklif etdiyini söyləyib.
Prezident Bayden ABŞ Beynəlxalq İnkişaf Agentliyinin və ABŞ-ın Avropadakı hərbçilərinin də Türkiyənin zəlzələ bölgəsində kömək etməyə hazır olduğunu bildirib. ABŞ-ın Suriyada zəlzələdən zərər çəkənlərə humanitar yardım təşkilatları vasitəsilə kömək etdiyini bildirən Bayden ilk gündən yardım fəaliyyətlərinə başladıqlarını bildirib. Bayden deyib ki, Suriyada “əraziyə kim nəzarət edirsə” ABŞ insan həyatının xilas edilməsində ən yaxşı donorlardan biridir.
“Biz Türkiyə və Suriya xalqını dəstəkləməkdə qətiyik” deyə prezident Bayden bildirib.
Medianews.az