Türkiyədə dəhşətli zəlzələ: Ölənlər və yaralananlar var

Türkiyədə 7.4 maqnitudalı zəlzələ olub.

Medianews.az xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Bildirilib ki, zəlzələnin ocağı Kahramanmaraş şəhərinin Pazarcık rayonu ərazisində 7 km dərinlikdə olub.

Türkiyənin daxili işlər naziri Süleyman Soylu ölkədə baş verən güclü zəlzələdən ən çox zərər çəkən bölgələri açıqlayıb. Bunlar Kahramanmaraş, Hatay, Qaziantep, Osmaniyə, Malatya və Adıyamandır.

Osmaniyə şəhərinin valisi Erdinç Yılmaz bildirib ki, zəlzələdən şəhərdə 34 bina dağılıb, 5 nəfər həlak olub.

Şanlıurfa şəhərinin valisi Salih Ayhan açıqlayıb ki, 16 bina dağılıb. 10 vətəndaş ölüb.