Media
Məşhur aşpaz Nusret Gökçenin Dubaydakı restoranında əlləri ilə ət yedizdirdiyi qadının İnterpolun qırmızı elan verdiyi keçmiş Anqola prezidenti Xose Eduardo dos Santosun qızı 49 yaşlı İzabel dos Santos olduğu ortaya çıxıb.
Medianews.az xəbər verir ki, hər yerdə axtarılmasına baxmayaraq əylənən və lüks məkanlarda görüntülər paylaşan Santos 5 milyon dollarlıq çirkli pulların yuyulması, nüfuz ticarəti və fırıldaqçılıqda ittiham olunur.
2017-ci ilə qədər Anqolanı 38 il idarə edən keçmiş prezidentin qızı İzabel Afrikanın ən zəngin qadını tituluna sahibdir. Həbs olunması üçün order olmasına baxmayaraq, İzabel dəbdəbəli məkanlarda əylənməyə və şəkillər paylaşmağa davam edir.
İnterpolun məlumatına görə, İzabel adətən Portuqaliya, İngiltərə və Birləşmiş Ərəb Əmirliklərində qalır. Ona qarşı irəli sürülən ittihamlara görə siyasi işgəncələrə məruz qaldığını deyən İzabel özünü təqsirli bilməyib.
Nüsrətin İzabelin İnterpol tərəfindən axtarılması ilə bağlı məlumatı olub-olmadığı isə məlum deyil.
Medianews.az
