Ukrayna prezidenti Vladimir Zelenski Rusiyanın ölkəsinə hücumlarını cavabsız qoymayacaqlarını bildirib.
Medianews.az xarici mediaya istinadla xəbər verir ki, Zelenski gecə yayımlanan videomüraciətində Rusiya-Ukrayna müharibəsi çərçivəsində baş verən son hadisələri dəyərləndirib.
Rusiya ordusunun ölkəsinə qarşı hücumlarını davam etdirdiyini qeyd edən Zelenski beynəlxalq arenada Rusiyaya qarşı məhdudiyyətlərin artırılması lazım olduğunu müdafiə edib.
Rusiya qüvvələrinin Ukraynanın Donbas bölgəsinə hücumlarını artırmağa çalışdığına işarə edən Zelenski, “İşğalçının heç bir hücum hərəkətini cavabsız qoymayacağıq”- deyə qeyd edib.
Sabah Kiyevdə Ukrayna-Avropa İttifaqı Sammitinin keçiriləcəyini xatırladan Zelenski sammitdə ölkəsi üçün son dərəcə vacib məsələlərin müzakirə olunacağını qeyd edib.
Mehin Mehmanqızı
Medianews.az