Xəbər verdiyimiz kimi, yanvarın 29-u Cənubi Azərbaycanın Xoy şəhərində zəlzələ olub.
Medianews.az xəbər verir ki, hadisə nəticəsində onlarla azərbaycanlı soydaşımız neçə gündür ki, küçələrdə qalır.
Çox acınacaqlı vəziyyətdə yaşayan soydaşlarımız suya, bir qismət çörəyə möhtacdır. Onların isti geyimə, isti yatağa ehtiyacı var. Soyuq, qarlı havada çöldə gecələyən soydaşlarımız fəryad edir. Çöllərdə gecələyən uşaqların yalvarışları insanın ürəyini sızladır.
Qeyd edək ki, İran hakimiyyəti isə laqeydlik göstərərək təklif olunan heç bir köməyi qəbul etmir. Əksinə ögey və düşmən münasibət sərgiləməkdə davam edir.
Buna baxmayaraq digər şəhərlərdən gələn azərbaycanlı soydalarımız gizlin də olsa, insanların dərdinə şərik olmağa, ərzaqla kömək etməyə çalışırlar.
Həmin acınacaqlı,ürəksızladan fotoları tədim edirik:
Mehin Mehmanqızı
Medianews.az