Xarici işlər naziri Mövlud Çavuşoğlu, İsveçin NATO-ya üzvlüklə bağlı öhdəliklərini yerinə yetirəcəyi təqdirdə oturub düşünəcəklərini ifadə edərək, “Ancaq hazırda bu şərtlər daxilində İsveçin NATO üzvlüyünə “hə” deməyimiz mümkün deyil” deyib.
Çavuşoğlu və Macarıstanın xarici və xarici ticarət naziri Peter Szijarto Macarıstanın paytaxtı Budapeştdə baş tutan görüşdən sonra birgə mətbuat konfransı keçirib.
Türkiyə və Macarıstanın hələ də İsveç və Finlandiyanın NATO üzvlüyünü təsdiq etməyən iki ölkə olması ilə bağlı suala Çavuşoğlu, “Biz Türkiyə olaraq Macarıstan kimi NATO-nun genişlənməsini dəstəkləyirik” cavabını verib.
Çavuşoğlu Türkiyənin NATO-nun missiya və fəaliyyətlərinə ən çox töhfə verən 5 ölkədən, ittifaqın ümumi büdcəsinə ən çox töhfə verən 8 ölkədən biri olduğuna diqqət çəkərək, bu gün Rusiya və terrorun dövlət kimi göstərildiyini xatırladıb.
Türkiyənin İsveç və Finlandiyanın təhlükəsizlik narahatlıqlarını anladığını vurğulayan Çavuşoğlu:
“Təhlükəsizliklə bağlı narahatlıqlarla görə onların NATO-ya üzv olmaq istədiklərini bilirik. Amma bir tərəfdən bu iki ölkənin təhlükəsizlik narahatlıqlarını başa düşsək də, Türkiyənin təhlükəsizlik qayğılarının qarşılanmaması qəbuledilməzdir. Terrorla mübarizə aparır. Təəssüf ki, bu terror təşkilatları FETÖ, PKK, PYD-nin ölkələrdə, xüsusən də İsveçdə sıx varlığı var. Onlar təkcə mövcud deyil, çox fəaliyyət göstərirlər.Bura əslində pul toplama,terrorun maliyyələşdirilməsi daxildir. Eyni zamanda adam toplayırlar, oradan da İraq və Suriyada Qəndil dağına adam toplayırlar, təbliğat davam edir”.
Nazir Çavuşoğlu Türkiyə, İsveç və Finlandiya arasında imzalanan üçtərəfli memoranduma işarə edərək, “Bu anlaşma memorandumuna görə, bu iki ölkə öz ölkələrində bu cür fəaliyyətləri dayandıracaq. Bu, aydın və birmənalı şəkildədir. Biz nə çox, nə də az istəyirik” deyib.