Dünya ictimaiyyəti tərəfindən “qara qutu” olaraq təyin olunan Şimali Koreya, raket sınaqları və təhdid xarakterli açıqlamaları ilə daim gündəmdə qalan bir ölkədir. Şimali Koreya lideri Kim Çen In maraqlı imici və onun haqqında maraqlı iddiaları ilə tanınmış bir xadimə çevrilib.
Medianews.az Şimali Koreya lideri ilə bağlı ən qəribə iddiaları təqdim edir:
Tez-tez keçirdiyi raket sınaqları ilə gündəmə gələn Şimali Koreya ilə bağlı hər gün fərqli və maraqlı iddialar səsləndirilir. Bu iddialar bəzən “Bundan artığı ola bilməz” deməyə vadar edən səviyyədə olsa da, bəzi iddialar peyk görüntüləri, Şimali Koreyanın dövlət televiziyası tərəfindən təsdiqlənir.
Son bir neçə gündə ölkənin ən böyük uran mədənlərindən birinin çökməsi xəbəri bütün dünyada təəccüb doğurub. Bəs Şimali Koreyada nə baş verir? Bütün gözlər Rusiya və Ukrayna arasındakı müharibədə olduğu halda, Kim Çen Inın ölkəsində real təhlükə varmı?
Peyk görüntüləri iddianı təsdiqləyib
Keçən həftələrdə Şimali Koreyanın nüvə enerjisi və nüvə silahı hazırlamaq üçün işlətdiyi mühüm uran mədənlərindən birində çökmələrin olduğu iddia edilmişdi. Daha sonra ortaya çıxan peyk görüntülərində Cənubi Koreya ilə sərhədə yaxın ərazidə yerləşən mədənin ətrafında çökmə olduğunu təsdiqləyən bəzi işarələr tapılıb, mədən yaxınlığında isə zavodun qəzalı olduğunu göstərən heç bir detal aşkar edilməyib. Şimali Koreya mənbələri tərəfindən irəli sürülən və təsdiqlənən yeni iddia eşidənləri heyrətə gətirib.
Nüvə raketinə “milli qəhrəman” statusu verib
Ölkədə keçirilən nüvə raket sınaqlarında istifadə edilən raket daşıyıcısı və buraxılış aparatına “milli qəhrəman” statusunun verilməsi hər kəsi şoka salıb. İddia edilib ki, uğurlu nüvə raket sınaqları zamanı istifadə edilən 321 nömrəli HWASONG-17 daşıyıcı raketi “Respublika Qəhrəmanı medalı”, “Qızıl Ulduz medalı” və “Birinci dərəcəli Dövlət Bayrağı Ordeni” ilə təltif edilib. Bu inkişaf Şimali Koreya lideri Kim Çen In haqqında səslənən qəribə iddiaları yada saldı.
Məktəbə fərqli adla gedib
Ona qarşı irəli sürülən bəzi iddialara görə, Kim-Jong-un İsveçrənin Bern şəhəri yaxınlığındakı IsBerne adlı özəl məktəbdə təhsil alıb. Şimali Koreya liderinin 1993-cü ilə qədər “Çol Pak”, 1998-ci ilə qədər isə “Pak Kol” adı altında təhsil aldığı və şəxsiyyətinin gizli saxlanıldığı bildirilib.
Digər iddialar arasında Kim-Jong-un təhsil həyatı boyu utancaq olub, lakin sinif yoldaşları ilə yaxşı münasibətdə olması, özünəməxsus yumor hissi, basketbol və kompüter oyunlarını sevməsi, ingilis dilindən əlavə İsveçrə alman dilini öyrənməsi də var.
Kim Jung-Un haqqında dərc olunan xəbərlərdə onun parlaq tələbə olmadığına dair bəzi iddialar olsa da, Şimali Koreya liderinin təhsil həyatı ilə bağlı məlumatlar hələ tam aydınlaşdırılmayıb.
Doğum tarixi dəqiq deyil
Kim Çen Inın 8 yanvar 1982-ci ildə anadan olduğu bildirilsə də, Şimali Koreya liderinin dəqiq doğum tarixi məlum deyil. Cənubi Koreya kəşfiyyat mənbələrinə görə, Conq-un əslində 1984-cü ildə anadan olub.
İddia olunur ki, avtoritar lider daha yaşlı və yetkin görünmək üçün doğum tarixini qəsdən yanlış təqdim edib. Lakin bütün bunlara baxmayaraq, Kim Çen In hələ də dünyanın ən gənc liderlərindən biri kimi öz vəzifəsini davam etdirir.
İmicinə verdiyi önəmlə danışılan Şimali Koreya liderinin qaşlarını qısaltdığı iddia edilir. Bunun fotoşəkillərlə sübut oluna biləcəyini iddia edən bəzi tədqiqatçılar Conq-un atası və babasına oxşamaq üçün qaşlarını qısaltdığını düşünürlər.
Əsrarəngiz liderin babası Kim İr-Sunqa bənzəmək üçün bir sıra plastik əməliyyatlar keçirdiyinə dair iddialar hələ də sübuta yetirilməyib. Jong-un-un demək olar ki, hər fotoşəkildə təbəssümlə poza verdiyi düşünülür, bu təsadüf deyil və o, insanlara hər şeyin qaydasında olduğunu göstərmək üçün belə bir yol izləyir.
Liderlər bəzən şəxsi həyatlarında asılılıqları ilə gündəmə gəlirlər. Bu liderlərdən biri də təbii ki, Kim Çen Indır. Şimali Koreya liderinin məktəb illərində İsveçrə pendirini çox sevdiyi və ölkəsinə qayıtdıqdan sonra bu vərdişini davam etdirdiyi və hər il İsveçrə pendirinə minlərlə dollar xərclədiyi iddia edilir.
Daha əvvəl bildirilmişdi ki, Kim Çen Inın atası Kim Çen İr konyak həvəskarı olub və çox məşhur fransız konyak brendinin ən böyük müştərilərindən biri olub.
Uşaqlığını gizlədir
Kim Çen In heç vaxt uşaqlıq xatirələrinin fotolarını dərc etməyib. Lakin 2014-cü ildə Şimali Koreyada keçirilən mərasim zamanı ekranda Conq-un uşaqlığından bəzi kadrlar nümayiş etdirilib. Fotoların həqiqətən də Şimali Koreya liderinin uşaqlıq illərinə aid olub-olmadığı heç vaxt təsdiqlənməyib.
Təhsil aldığı illərdən basketbola marağı olduğu bilinən Conq-un gənclik illərindən məşhur basketbolçuların oyunlarını izlədiyi və rütbəli Dennis Rodmanla tanış olduğu bütün dünya tərəfindən yaxşı məlumdur.
Ailəsi haqqında məlumat yoxdur
Kim Çen Inın ailəsi haqqında bilinənlər də çox məhduddur. 2009-cu ildə evləndiyi bildirilən Conq-un həyat yoldaşının adının Ri Sol-ju olduğu və cütlüyün uşaqlıq dostları olduğu iddia edilir.
Cütlüyün neçə uşağı olduğuna dair təsdiqlənmiş məlumat olmasa da, NBA basketbolçusu Dennis Rodmanın Şimali Koreyaya səfərindən və Kim Çen Inla görüşdükdən sonra verdiyi müsahibədə cütlüyün bir qızı olduğunu və Şimali Koreya lideri çox yaxşı atadır…
2022-ci ilin noyabrında yayımlanan kadrlarda Kim Çen Inın paytaxt Pxenyandakı raket buraxılış meydançasında kiçik qızı ilə əl-ələ tutan fotoşəkilləri Rodmanın dediklərini təsdiqləyən kimi qəbul edilib.
Şimali Koreya liderinin Honq-Konq əsilli döyüş ustası və aktyor Ceki Çana məşq etdiyi illərdən bəri heyran olduğu iddia edilir. Bildirilir ki, ölkədə pop musiqi mədəniyyəti dünyanın digər ölkələri ilə müqayisədə bir qədər fərqlidir.
Əvvəllər Cənubi Koreya ilə danışıqlar zamanı silsilə konsertlərlə çıxış edən ölkənin ən məşhur musiqi qruplarından biri olan “Moranbong” qrupu daha çox hərbi formaya bənzər geyimlərdə və ya ənənəvi Koreya geyimində çıxış edir.
Bildirilir ki , qrupun üzvləri ölkə lideri Kim Çen In tərəfindən şəxsən seçilib və ifa etdikləri və oxuduqları bütün mahnıların Pxenyan administrasiyası tərəfindən qeydiyyatdan keçmiş təbliğat xarakterli sözləri olub.
Medianews.az