Türkiyədə keçirilən “Qaziosmanpaşaspor” – “Beykoz 1908 Spor” matçında hadisə baş verib.
Medianews.az xəbər verir ki, “Qaziosmanpaşa”lı azarkeşlər meydana daxil olaraq futbolçulara hücum edib.
Həmin anlar mobil telefon kamerası ilə lentə alınıb.
Matçın 17-ci dəqiqəsində “Beykoz 1908 Spor”un oyunçusu Arda Şahin vurduğu qolla komandasını 1-0 önə keçirib. Bu qoldan sonra meydanda qəfil qarışıqlıq yaranıb.
Komandalarını tribunada dəstəkləyən “Qaziosmanpaşaspor”un azarkeşləri meydana enərək Beykozlu futbolçulara hücum edib. Texniki heyət və polisin köməyi ilə Beykozlu futbolçular soyunub-geyinmə otağına daxil olublar. Hadisələrdən təxminən 20 dəqiqə sonra yenidən başlayan qarşılaşma yenidən dava-dalaşın başlaması ilə dayandırılıb.
Stadiondan kənara da əks olunan davada polis Qaziosmanpaşa tərəfdarlarını dağıtmaqda çətinlik çəkib, gözyaşardıcı qazla yanaşı havaya atəş də açılıb.
Medianews.az