CHP sədri Kamal Kılıçdaroğlu Azərbaycanın Tehrandakı səfirliyinin hücuma məruz qalmasını pisləyib və “Azərbaycan tək deyil” mesajını paylaşıb.
Medianews.az xəbər verir ki, Azərbaycanın İrandakı səfirliyinə xəyanətkarcasına basqın nəticəsində 1 əməkdaşımız həlak olub, 2 əməkdaşımız yaralanıb.
Hücumdan sonra Türkiyədən bir-birinin ardınca reaksiyalar gəlib. CHP lideri Kılıçdaroğlu da Twitter hesabından hücumla bağlı başsağlığı mesajı paylaşıb.
Kılıçdaroğlu, “Dost və qardaş ölkəmiz Azərbaycanın İran səfirliyinə edilən xain hücumu qınayıram. Həyatını itirən səfirlik əməkdaşına Allahdan rəhmət, Can Azərbaycana başsağlığı verir, yaralananlara şəfa diləyirəm. Azərbaycan tək deyil” deyə açıqlama verib.