Media
“Azərbaycanın İrandakı Səfirliyində baş verən bu hadisə birmənalı şəkildə terror aktıdır”.
Bunu Medianews.az- a açıqlamasında Milli Məclisin deputatı Arzu Nağıyev bildirib.
Millət vəkili deyib ki, əgər “Kalaşnikov” avtomat silahı ilə səfirliyə hucum olunursa, bu torrorçunun məqsədi insan öldürmək, terror hadisəsini həyata keçirmək olub:
“Ən ağır nəticə isə odur ki, bir nəfər vətəndaşımız şəhid olub, iki nəfər isə yaralanıb. Diplomatik nümayəndəliyimizin əməkdaşı Orxan Əsgərovun şəhid olması ilə bağlı ailəsinə və yaxınlarına baş sağlığı verirəm!
Zənimcə, bu hadisədə bir neçə istiqamətdə araşdırmalar aparılmalıdır. Birincisi, İran xüsusi xidmət orqanları ilə birgə Azərbaycan tərəfi də bu araşdırmalarda mütləq şəkildə iştirak etməlidir və edəcəkdir.Çünki İran dövləti bu terror aktını tək araşdırmamalıdır. İran dövləti buna cavab verməlidir.
Qeyd edək ki, Diplomatik Əlaqələr haqqında Konvensiya 18 aprel 1961- ci ildə qəbul olunub. 1965- ci ildən İran Vyana Konvensiyasının üzvdülər. Azərbaycan isə 21 iyul 1992- ci ildə Vyana Konvensiyasına qoşulub. Bu Konvensiyaya görə İran tərəfindən həmin diplomatik nümayəndəliklər qorunmalıdır.
Digər məsələ də ondan ibarətdir ki, terror aktının baş verməsi ilə Azərbaycan və İran arasında olan gərginlik daha da artdı. Bu gərginliyin daha da artmasında bir sıra dövlətlərin də əli ola bilər. Ermənistanın da bu hadisədə əlinin olmaması, inkar edilə bilməz. Dərindən araşdırmalıdır. Hər kəs kimi məndə terror aktını ciddi şəkildə pisləyirəm. Mən bunu çox ciddi bir hadisə hesab edirəm.
İranın Azərbaycandakı səfirliyi də çox ciddi mühafizə olunmalıdır. Çünki bu səfirliyə qarşı, digər qurumun da törətdiyi əməllər pis nəticə verə bilər. İran bu terror aktı ilə bağlı tutarlı fikrini bildirməlidir. Bu hadisənin nə üçün baş verməsi haqqında hesabat verilməlidir”.
Mehin Mehmanqızı
Medianews.az
