Kolumbiyanın ən məşhur DJ-lərindən olan 23 yaşlı Valentina Trespalakiosun cəsədinin zibillikdəki çamadandan tapılması ölkə gündəminə bomba kimi düşüb.
Medianews.az xəbər verir ki, İstanbula qaçmağa hazırlaşan gənc qadının amerikalı sevgilisi qətlin arxasında narkotik kartelinin olduğunu iddia edib.
İnstaqramda minlərlə izləyicisi olan məşhur DJ-in cəsədi paytaxt Boqotada zibillikdə çamadanda tapılıb. Gənc qadının döyülərək və boğularaq öldürüldüyü müəyyən edilib.
Kolumbiya polisi Trespalakiosun 35 yaşlı evli sevgilisini qətldə şübhəli bilərək axtarışa verib. Bir ildir ki, məşhur DJ ilə birlikdə olan və qətldən sonra yoxa çıxan 3 uşaq atası Con Poulosun Panamada saxlanılaraq Kolumbiyaya təhvil verildiyi açıqlanıb. Panama hava limanında yaxalanan Poulosun İstanbula THY təyyarəsinə minmədən bir neçə dəqiqə əvvəl yaxalandığı ortaya çıxıb.
Qətli törətdiyini inkar edən Poulos Kolumbiyada məşhur Medellin kartelindən gizləndiyi üçün Kolumbiyadan qaçdığını və kartelin Valentina Trespalaciosu öldürdüyünü iddia edib. Trespalaciosun ailəsi Poulosun rəqib Sinaloa Karteli ilə əlaqələrinin olduğunu bildirib. Hazırda polis qətldə başqa şəxslərin olub-olmadığını araşdırır.
Medianews.az