Almaniyada aparılan yeni bir araşdırma ölkədə hər 5 uşaqdan birinin və hər 4 gəncin yoxsulluq riski altında olduğunu ortaya qoyub.
Medianews.az bildirir ki, Almaniyanın Bertelsmann Fondu “Almaniyada uşaq və gənclərin yoxsulluğu” mövzusunda apardığı təhlilin nəticələrini dərc edib.
Müvafiq olaraq, Avropanın ən böyük iqtisadiyyatına malik Almaniyada uşaq və gənclər yoxsulluğu həll olunmamış problem olaraq qalır.
Təhlillərə görə, ölkədə hər 5 uşaqdan və hər 4 gəncdən biri yoxsulluq riski altındadır.
Fondun təhlilində, “Rəqəmlərlə bu o deməkdir ki, 2021-ci ildə təxminən 2,9 milyon uşaq və gənc, 18-25 yaş arası 1,55 milyon gənc yoxsulluq riski altındadır” deyə bəyanat daxil edilmişdir.
Böhranlar və qiymət artımları səbəbindən ölkədə uşaq və gənclər yoxsulluğunun daha da ağırlaşdığının yer aldığı təhlildə “Yoxsulluq içində böyüyən gənclər hər gün məhrumiyyətlərdən, fədakarlıqlardan, rüsvayçılıqdan əziyyət çəkirlər. Həm də əhəmiyyətli dərəcədə pis gələcək perspektivləri var. Bu, həm təsirlənənlər, həm də bütövlükdə cəmiyyət üçün dözülməz vəziyyətdir” deyə dəyərləndirilib.