Şimali Koreyada yeni virus panikası – Yoluxma sayı durmadan artır, insanlar ərzaq ehtiyyatı yığır

Şimali Koreyada təsbit olunmayan yoluxucu xəstəlik panikaya səbəb olub.

Medianews.az xəbər verir ki, paytaxt Pxenyanda yoluxma hallarının artmasının qarşısını almaq üçün komendant saatı elan edilib.

Qeyd olunub ki, Şimali Koreyalılar 5 gün müddətində qüvvədə olacaq qadağanın uzadılması ehtimalı ilə qida ehtiyatı yığıblar. Şimali Koreya indi koronavirusdan sonra aşkar olunmayan yoluxucu xəstəliklə mübarizə aparır. Xəstəliyin növü hələ müəyyən edilməyib, lakin paytaxt sakinlərindən gündə bir neçə dəfə bədən istiliyini ölçmələri xahiş olunub.

Yerli media xəbər verib ki, Pxenyanda insanlar 5 günlük komendant saatının uzadıla biləcəyi təqdirdə ərzaq ehtiyatı yığıblar. Şimali Koreyada Covid-19-a ilk yoluxma halı 2022-ci ilin mayında, avqustda isə epidemiyaya qarşı qələbə elan edilib.

Pxenyan administrasiyası epidemiya ilə bağlı yoluxma və ölənlərin sayını şəffaf şəkildə açıqlamamaqda günahlandırılıb.

Medianews.az