Bəşəriyyət hələ də koronavirusla mübarizədə qalib gəlməsə də, Microsoft-un sahibi milyarder Bill Qeytsdən dəhşətli xəbərdarlıq gəldi. Koronavirusla bağlı proqnozunda haqlı olan Bill Qeyts “Hazır ol” deyərək dünyanı gözləyən yeni təhlükəni açıqlayıb.
Medianews.az bildirir ki, koronavirusla bağlı verdiyi hər açıqlama ilə gündəmdə olan milyarder Bill Qeyts yeni xəbərdarlığı ilə gündəmə gəlib.
Peyvəndlərə verdiyi dəstək, aldığı kənd təsərrüfatı torpaqları və həşərat istehlakı üçün verdiyi vəsaitlə adından söz etdirən milyarder bu dəfə Avstraliyadan çox danışılacaq açıqlama verib.
Pandemiyanın başlanğıcından bəri sərt karantin qaydaları tətbiq edən Avstraliyanı tərifləyən Qeyts, bir çox ölkələrin bu siyasətləri həyata keçirməməsinin qurbanı olduğunu söyləyib.
Növbəti pandemiyanın Covid-19-dan daha çətin olacağını vurğulayan Qeyts, “Hazır ol” deyərək dünyanı gözləyən yeni təhlükəni açıqlayıb.
“Növbəti virus təbii deyil, insan tərəfindən yaradılacaq” deyən Bill Qeyts sözügedən pandemiyanın dünyaya gətirdiyi iqtisadi xərcin 10 trilyon dollar olacağını vurğulayıb.
Dünya liderlərinə növbəti virusa hazırlaşmalı olduqlarını və qabaqcadan plan qurmaları lazım olduğunu söyləyən Qeyts, “Dünyada hər 5 ildən bir pandemiya təlimləri etməliyik. 1000 dollara həyat qurtara bilərsiniz. Bundan daha qaneedici bir şey yoxdur” deyib.