Media
Afrika qitəsində 98 milyona yaxın uşaq müxtəlif səbəblərdən təhsil tapa bilmir. Mütəxəssislər təhsil hüququndan məhrum olan uşaqların ailə təzyiqi və ya yoxsulluq ucbatından terror təşkilatlarının əlinə keçdiyini bildirirlər.
Medianews.az xəbər verir ki, Afrika Fondunun tədqiqatçısı Dr. Asma Nairi Özen və Afrika Araşdırmaçılar Dərnəyinin (AFAM) araşdırmaçısı Osman Kağan Yücel Afrikada məktəbə gedə bilməyən uşaqların təməl hüquqlarından məhrum edilməsinin nəticələrini qiymətləndirib.
Afrika dövlətlərinin son illərdə təhsilə dəstəyini artırdığını, lakin qitədəki uşaqların təxminən 23 faizinin hələ də məktəbə gedə bilməyəcəyini ifadə edən Özen, bu nisbətin dünyanın hər hansı bir bölgəsi ilə müqayisədə çox yüksək olduğunu qeyd edib. .
Uşaqların təhsilə çatmamasında qitədəki təhlükəsizlik problemlərinin də böyük rol oynadığını vurğulayan Özen, Afrikada təxminən 13,6 milyon məktəb yaşlı uşağın qaçqın düşdüyünü və bu uşaqların yarısının insan qaçaqmalçıları və ya terror təşkilatları tərəfindən istismar edildiyini söyləyib.
Afrikadakı terror təşkilatlarının birbaşa məktəbləri və şagirdləri hədəf alan hücumlar təşkil etdiyinə diqqət çəkən Özen, bu təşkilatların uşaqları qaçırdığını, müəllimləri təhdid edərək qorxu yaratdığını bildirib.
Terror təşkilatlarının uşaqları militant, kamikadze, casus, narkotik kuryer kimi istifadə etdiyini dilə gətirən Özen, “Terrorçular psixoloji cəhətdən asanlıqla manipulyasiya oluna bildikləri üçün uşaqları hədəf alırlar. Təşkilata cəlb edilən uşaqlar təkcə öz ölkələrində deyil, hər yerdə istifadə olunur”.- deyə bildirib.
Mehin Mehmanqızı
Medianews.az
