Bakıda avtobus sürücüsü ilə sərnişin arasında dava olub.
Medianews.az BAKU.WS-ə istinadən xəbər verir ki, hadisə 20 Yanvar dairəsinin yaxınlığında baş verib.
Məsələ ilə bağlı “Çinar Trans” MMC-nin direktoru bildirdi ki, dava sürücü və sərnişin arasında yox, 165 saylı marşrut xətti üzrə hərəkət edən avtobusun sürücüsü ilə bir qrup şəxs arasında baş verib:
“Avtobus dayanacaqda gözləyən vaxt, başqa bir maşın yolun soluna keçib və yolu bağlayıb. Daha sonra həmin şəxslər qapını açıb, söyüş söyərək avtobusa hücum çəkiblər. Səbəb kimi də avtobusun öndəki maşına siqnal verməsini göstəriblər. Daha sonra dava böyüməsin deyə ətrafdakılar hadisəyə müdaxilə etməyə çalışıblar. Bütün baş verənlər kameralara əks olunub”.