Antalyada meşəlik ərazidə başı və qolları olmayan çılpaq kişi cəsədi tapılıb.
Medianews.az xəbər verir ki, polis qrupları hadisə ilə əlaqədar araşdırmalara başlayıb.
Əldə edilən məlumata görə, ailəsi ilə birlikdə gəzintiyə çıxan təqaüdçü polis məmuru Faruk Çavuş yolun kənarında cəsəd görüb. Çavuş vəziyyəti həmkarlarına bildirdikdən sonra bölgəyə çoxlu sayda polis və tibb qrupu göndərilib.
Heyvan sığınacağına yaxın ərazidə tapılan kişi meyitinin başı və qollarının olmadığı müəyyən edilib. Hadisə yeri araşdırma qruplarının işi və prokurorun araşdırmasından sonra meyitin şəxsiyyətinin müəyyən edilməsi və ölüm səbəbinin araşdırılması üçün Ədliyyə Tibb Təşkilatının meyitxanasına aparılıb.
Medianews.az