Rusiya ilə Ukrayna arasında 24 fevral 2022-ci ildə başlayan müharibə davam edərkən, Rusiya dövlət mediasından diqqətçəkən bir açıqlama gəlib.
Medianews.az xəbər verir ki, “Putinin gizli qiyamət silahı” adlı silah və sursatların istehsalına başlanıldığı açıqlanıb.
Rusiya dövlət mediasında yer alan xəbərlərdə Putinin böyük məxfiliklə həyata keçirdiyi silah layihəsinin istehsalına başlanıldığı bildirilib.
Rusiyanın TASS xəbər agentliyinin Rusiya ordusundan adını açıqlamayan mənbələrə əsaslanaraq verdiyi açıqlamada silahın sınaq atışlarının tamamlandığı və bu raketə nüvə başlığının taxıldığı qeyd edilib. Rusiya Müdafiə Nazirliyi bu məsələ ilə bağlı rəsmi açıqlama verməyib. Rusiya lideri Putinin 6 “super silahı” olduğu bildirilərkən, Poseydon adlı silahın istehsal edildiyi və tezliklə “Belqorod” adlı nüvə enerjili sualtı qayıqda istifadə olunacağı bildirilib.
Putinin digər “gizli super silahları” “Avanqard” hipersəs vasitəsi, “Sarmat” qitələrarası ballistik raketi, “Burevestnik” qanadlı raketi, “Kinjal” ballistik raketi və “Zirkon” hipersəs raketi kimi tanınır.
Qeyd olunub ki, Rusiyanın hazırladığı Poseydon adlı raket nüvə və adi döyüş başlıqlarına uyğundur və saatda 200 kilometr sürətə çata bilir. Poseydonun “qiyamət silahı” olduğu qeyd edilərkən, bu raketin istifadəsindən sonra radioaktiv sunaminin baş verə biləcəyi də bildirilib.
Medianews.az