Media
DEVA Partiyasının lideri Ali Babacanın “Baykar”ı nəzərdə tutaraq “dövlətin bütün obyektləri tək şirkətə verilir” iddiası Türkiyə gündəmində şok etkisi yaradıb.
32gun.az bildirir ki, Babacanın sözlərindən sonra “Baykar”ın baş direktoru Haluk Bayraktara canlı yayımda “Qardaşınız kürəkən olduqdan sonra önünüz açıldı?” sualı verilib.
Bayraktar isə bunun böhtan olduğunu deyib:
“Bu, ən böyük böhtanlardan biridir. Səlcuq Bayraktar 2016-cı ildə prezident Ərdoğanın kürəkəni oldu. Biz 2016-cı ildə Bayraktar TB2-ni hazırlayıb Türkiyə Silahlı Qüvvələrinə təhvil verən bir firmayıq.
Gecə-gündüz bu sahədə Tədqiqat və inkişaf işləri aparırıq. Baykar ömrü boyu bir qəpik də olsa kredit istifadə etməyən şirkətdir. Biz heç bir kreditdən, o cümlədən dövlət banklarından istifadə etməmişik. Müdafiə Sənayesi Başçılığından bir qəpik də Ar-Ge (Tədqiqat və inkişaf) dəstəyi almadıq. Hətta biz Ar-Ge müqaviləsi də imzalamamışıq. İstehsal etdiyimizi satdıq, oradan əldə etdiyimiz gəlirlə sərmayə qoyduq”.
