Media
Son günlər insanlar arasında yayılan xəstəliklərin sayı durmadan artır. Avropda qrip, Amerikada Omikron virusu yayılmaqda davam edir. Nəzərə alsaq ki, hava yolları ölkəmizdə açıqdır. Bu da insanlarda narahatlıq yaradır. Bəs, görəsən həqiqətən qorxmağa dəyərmi?
Məsələ ilə bağlı Medianews-az-a danışan “Ankara” klinikasının baş həkimi Zülfüqar Yusifov bildirdi ki, viruslar həmişə həyatımızda olub:
“Xüsusən qrip virusu hər kəsin körpəlikdən tanıdığı, xəstəlik törədən bir virusdur. Qripin də bir çox növü var.
Lakin (Covid-19) pandemiyası xəstəliyə olan baxışımızı dəyişdi. Düzdü qorxu, fəlakət saçan bir pandemiya yaşadıq. Buna görə də virusla bağlı təsəvvürlərimiz daha da genişləndi. Belə olan halda viruslara qarşı mübarizədə maariflənmə potensialımız olduqca artmış oldu.
Təbii ki, bu günlərdə xəstəliklərin artmasının şahidi oluruq. Viral infeksiyalar müxtəlif qrip mənşəli viruslar tərəfindən törədilə bilər. Hətta zəif keçən (Covid- 19) da ola bilər. Statistikada biz hələ də (Covid -19)- a yoluxanların şahidi oluruq. Ancaq görünən odur ki, yayılmaqda olan virus təhlükə baxımından (Covid- 19) dan xeyli zəifdir. Eyni zamanda işin müsbət tərəfi odur ki, istər səhiyyə, istərsə də insanlarımız viruslarla mübarizə üsullarına bələddirlər. Bu baxımdan düşünürəm ki, biz bu mərhələni də normal şəkildə keçirəcəyik.
Həkim qeyd etdi ki, hazırda “ümunitetin düşdüyü” ayları yaşayırıq:
“Qış aylarında pandemiyadan əvvəl də qripə yoluxanların sayı artır, digər soyuqdəymə halları müşahidə olunurdu. Bu il də sıradan bir il yaşanır. Sadəcə dəyişən odur ki, bizim viral yoluxmaya qarşı həssaslığımız artıb. Pandemiya yaddaşlarımızda elə bir iz qoyub ki, ona görə hər prosesə həssas yanaşırıq. Bunun bir təhlükə olduğunu düşünürük. Bu bir tərəfdən narahat məqamdır. Çünki bu bir yandan insan psixologiyasına mənfi təsir edir və əlavə stress yaşadır, digər tərəfdən müsbət haldır ki, insanlar artıq özləri-özlərinin qayğısna qalırlar, dizenfeksiya tədbirlərinə əməl edirlər. Məsafə saxlayaraq, maska taxaraq özlərini qorusalar bəsit viruslardan özlərini sığortalamış olar”.
Mehin Mehmanqızı
Medianews.az
