Media
“Bəzən qulaqlıqların içindəki maddəyə reaksiyalar ola bilər ki, bu da xarici qulaqda təkrarlana bilən iltihaba səbəb ola bilər”.
Medianews.az xəbər verir ki, Türkiyənin Dəclə Universitetinin baş həkimi Prof. Dr. Mehmet Akdağ bluetooth qulaqcıqla yatarkən musiqi dinləyən gənclərə qulaqlarda yaranan problemlərdən və göbələk əmələ gəlməsi riski ilə bağlı xəbərdarlıq edib.
Qulaqcıqdan istifadə qulaqda cingilti, axıntı və duyğu hissinin itməsinə səbəb olur ki, bu orqanın tamam ilə məhv olmasına gətirib çıxarır.
Həkim bildirib ki, musiqi və ya söhbət zamanı qulaqcıqlardan uzun müddət istifadə edildikdə, xarici stenoz, ekzema və yaxud da xarici qulaq infeksiyaları varsa, uzun müddət qapalı qaldıqda boğulma səbəbiylə göbələk xəstəlikləri ilə qarşılaşa biləcək riskinin çox olduğunu qeyd edib:
“Qulaqlıq istifadə edilərkən, zaman zaman onları çıxarmaq və havalandırmaq lazımdır. Bəzən qulaqlıqların içindəki maddəyə reaksiyalar ola bilər ki, bu da xarici qulaqda təkrarlana bilən iltihaba səbəb ola bilər. Uzun müddət istifadə nəticəsində eşitmə itkisi və qulaqda küy kimi yan təsirlər meydana gəlir.Qulaq beyinə yaxındır, və buna görə də gərginlik və əsəbilik yaradır. Bəzi nəşrlərdə bu, beyin şişi ilə də əlaqələndirilir. Xarici qulaq kanalının iltihabı realdırsa, qulaqda ağrı, tıxac, axıntı və qaşınma olacaq”- deyə həkim qeyd edib.
Mehin Mehmanqızı
Medianews.az
