Malidə çərşənbə axşamı iki ayrı hücumda ümumilikdə 14 əsgər həyatını itirib.
Medianews.az-ın xəbərinə görə, Mali ordusundan verilən açıqlamada bildirilib ki, yanvarın 10-da Mopti bölgəsinin Diafarabe rayonu və Seqou bölgəsindəki iki ayrı hərbi karvan minaya düşüb.
Minaların partlaması nəticəsində ümumilikdə 14 əsgər həlak olub, 11 əsgər isə yaralanıb. Hücumdan sonra başlayan qarşıdurmada 31 terrorçu zərərsizləşdirilib.
Qeyd edək ki, Sahel bölgəsində “3 ölkə sərhədi” kimi tanınan Burkina Faso, Mali və Niger son illərdə terror təşkilatı Əl-Qaidə və İŞİD-ə bağlı qrupların hücumlarına məruz qalır.
2013-cü ildən bəri Malidə yerləşən xarici hərbi missiyalara baxmayaraq, ölkədəki terror təşkilatları hücumlarını davam etdirir.
Medianews.az