Kristersson, ölkəsinin Türkiyənin NATO üzvlüyü ilə bağlı tələblərini “qarşılaya bilməyəcəyi” ilə bağlı açıqlamalarının səhv başa düşüldüyünü bildirib və “söz verdiyimizi tam yerinə yetiririk” deyib.
Medianews.az bildirir ki, İsveçin baş naziri Ulf Kristersson, ölkəsinin Türkiyənin NATO-ya üzvlüklə bağlı tələblərini “qarşılaya bilmədiklərini” ifadələrinin “yanlış anlaşıldığını” bildirib. Türkiyənin ötən həftə ölkəsinin qəbul edə bilməyəcəyi tələblər irəli sürdüyünü deyən Kristersson mətbuat mənsublarının suallarını cavablandırıb.
Terrorla mübarizə qanunlarını gücləndirdiklərini deyən İsveç baş naziri Türkiyə ilə NATO-ya tam üzvlük müraciəti ilə bağlı danışıqların “çox yaxşı getdiyini” bildirib. Kristersson jurnalistlərə açıqlamasında ‘Türkiyə terrordan ən çox əziyyət çəkən ölkələrdən biridir’ deyib və “xüsusilə terrorla mübarizədə söz verdiyimizi tam şəkildə yerinə yetiririk” deyib.
Kristersson sözlərini belə davam etdirib: “Türkiyə İsveçdən ekstradisiya etmək istədiyi şəxslərin adlarını bəzən verir. Məlumdur ki, İsveçin bu məsələ ilə bağlı qanunvericiliyi çox aydındır: bu qərarlar məhkəmələr tərəfindən verilir, hökumətin bunu dəyişməsinə yer yoxdur”.