Yevlaxda həkim 20-dən çox bıçaq zərbəsi ilə qətlə yetirildi

Yevlax xəstəxanasının Vərəm şöbəsinin müdiri Bəyaz Cabbarovun qətlə yetirilməsinin təfərrüatı məlum olub.

“Report”un məlumatına görə, bu gün axşam saatlarında Yevlax Mərkəzi Rayon Xəstəxanasının Vərəm şöbəsinin müdiri 1958-ci il təvəllüdlü Bəyaz Cəbbarov Yevlax şəhər Əhmədağa Baxşıyev küçəsində olan mənzilində qətlə yetirilib.

O, 20-dən çox bıçaq zərbələri alıb və ağır halda xəstəxanaya aparılsa da, artıq dünyasını dəyişdiyi məlum olub.

Hadisənin başvermə səbəbləri isə hələ ki məlum deyil.

Faktla bağlı Yevlax rayon Prokurorluğunda araşdırma aparılır.