3 ildən artıqdır ki, koronavirusla mübarizə aparan dünya indi Omicron alt variantı XBB.1.5 -dən xəbərdardır. Bütün dünyada hadisələrin sayı artmaqda davam edərkən, ÜST bu virusla bağlı qərarını açıqladı.
2019-cu ilin son aylarında həyatımıza daxil olan koronavirus (Covid-19) dünyada milyonlarla insanın həyatına son qoyub.
Medianews.az xəbər verir ki, bir çox vərdişlərimizi geridə qoymağımıza səbəb olan virus, belə demək mümkünsə, qabığını dəyişməyə davam edir.
Bir çox ölkələr daha yoluxucu, lakin daha az ölümcül olan Omicrondan sonra dünya XBB.1.5 xəbəri ilə yenidən təşvişə düşüb.
İlk dəfə oktyabr ayında görülən və iki fərqli Omicron alt variantının birləşməsi olduğu ortaya çıxan yeni bir XBB növü olan 1.5, dünyada, xüsusən də ABŞ və Çində Covid hadisələrinin artacağına dair narahatlığı artırır.
Ümumdünya Səhiyyə Təşkilatının ( ÜST ) Avropa Fövqəladə İşlər üzrə Direktoru Ketrin Smolvud çərşənbə axşamı keçirdiyi mətbuat konfransında XBB.1.5 alt variantının Avropada kiçik, lakin artan saylarda da görüldüyünü açıqlayıb.
Sərnişinlərə riskin daha yüksək olduğu hallarda, məsələn, uzun təyyarə səfərlərində maska taxmaq tövsiyə olunub.
Smolvud, Covid-19-un sürətlə artdığı istiqamətlərdən gələn sərnişinlərə maska taxmağı tövsiyə etməli olduğunu söylədi.
XBB.1.5 bu günə qədər Omicron-un ən sürətli yayılan alt variantıdır və hazırda bütün dünyada ən çox yayılmışdır.
Həkimlər XBB.1.5-in ən görkəmli simptomlarını təsvir etdilər. Huff Post-a danışan ABŞ səhiyyə ekspertlərinin fikrincə, XBB.1.5-in 5 ən gözə çarpan simptomu bunlardır:
Əzələ ağrısı.
Şiddətli öskürək.
Boğaz ağrısı.
Baş ağrısı.
Burun tıkanıklığı.
Eyni qəzetə danışan Nyu-Cersi ştatının Nyu-Brunsvik şəhərindəki Müqəddəs Peter Universiteti Xəstəxanasının yoluxucu xəstəliklər şöbəsinin müdiri Dr. Henry Redel, yeni variantla keçmişdə görülən bəzi simptomlarla daha az rastlaşdıqlarını bildirdi.
Korona epidemiyasında 1 milyondan çox ölümlə ABŞ ən çox ölüm sayına malik ölkədir, onu Braziliya və Hindistan izləyir.
Daha az rast gəlinən simptomlara dad və qoxu itkisi və nəfəs darlığı daxildir.
Cons Hopkins Universitetinin virusoloqu Endryu Pekosz bildirib ki, XBB.1.5 yüksək dərəcədə immunitetdən yayınır, çünki onun hüceyrələrə daha yaxşı bağlanmasına imkan verən əlavə mutasiya var.
Medianews.az