Media
Medianews.az Rusiya mətbuatına istinadla xəbər verir ki, ABŞ Beynəlxalq İnkişaf Agentliyi (USAID) Ermənistanda nəqliyyat şəbəkəsinin vəziyyətinin monitorinqi və regionda yeni tranzit dəhlizlərinin axtarışı üçün 3 milyon dollar ayıracaq. Bu sahədə araşdırmalar İrəvanla razılaşma əsasında aparılacaq, nəticələr altı ay ərzində Vaşinqtonda təqdim edilməlidir. Politoloqlar ABŞ-ın Cənubi Qafqazdakı fəaliyyətini Rusiyanın regionda təsirini zəiflətmək istəyi ilə əlaqələndirirlər.
Dövlət satınalmaları portalının məlumatına görə, artıq qrant alan şəxs müəyyənləşib. Tetra Tech Pentaqonun, ABŞ Dövlət Departamentinin və ABŞ-ın digər dövlət qurumlarının mühəndislik və konsaltinq xidmətləri göstərən əsas aparıçı təşkilatlardan birinə çevrilıb. Tender sənədlərində göstərilir ki, təşkilat mövcud tranzit marşrutlarının “iqtisadi təhlilini aparacaq”, onların cari imkanlarını hesablayacaq və təkmilləşdirmə tədbirləri təklif edəcək. Sənəddə həmçinin qeyd edilir ki, layihə “ABŞ hökumətinin regional iqtisadi əlaqələrin yaxşılaşdırılması üzrə strateji hədəfləri”nə uyğun tərtib edilib.
Avrasiya Analitik Klubunun sədri Nikita Mendkoviçin RT-yə müsahibəsində bildirib ki, Türkiyə və Azərbaycan arasında sıxışmış Ermənistan üçün nəqliyyat əlçatanlığı həmişə ən aktual siyasi məsələlərdən biri olub. Bu səbəbdən də ABŞ-ın bu sahədə hər hansı fəaliyyəti ənənəvi olaraq regionda arbitr rolunu oynayan və İrəvanla Bakı arasında ərazi sazişlərinə əməl olunmasının qarantı, siyasi iradəsi ilə bağlı Moskvanın təsirini zəiflətmək cəhdi kimi qəbul edilir.
“ABŞ-ın hazırkı strategiyası tamamilə Rusiyaya qarşı yeni cəbhə yaratmaq planlarına və Rusiyanı Cənubi Qafqazdan sıxışdırıb çıxarmaq niyyətinə əsaslanır. Regionun nəqliyyat sektorunda amerikalıların mövcudluğunun genişləndirilməsi də daxil olmaqla, çox geniş təsir rıçaqlarından istifadə olunur”, – deyə Mendkoviç yekunlaşdırıb.
Mehin Mehmanqızı
Medianews.az
