“Şəhid ailələri və müharibə əlillərinin təqaüd və müavinətləri artırılacaq”.
Bunu Bakupost.az -a açıqlamasında Əmək və Əhalinin Sosial Müdafiəsi Nazirliyi İctimaiyyətlə əlaqələr və kommunikasiya şöbəsinin müdiri Fazil Talıbov deyib.
O bildirib ki, Cənab Prezidentin tapşırıqlarına uyğun olaraq, hazırda hökumət tərəfindən müavinət və təqaüdlərin artırılması ilə bağlı təkliflər hazırlanır:
“Onların sırasında təbii ki, ilk yerdə şəhid ailələri və müharibə əlillərinə yönələn təqaüd və müavinətlər durur. Bu il icra edilən sosial paket 2 milyonadək şəxsi əhatə edir. Ümumilikdə bu artımlara dövlət büdcəsindən əlavə olaraq 750 milyon manat vəsait ayrılması nəzərdə tutulub”.
Qeyd edək ki, yanvarın 5-də Azərbaycanda minimum aylıq əməkhaqqı artırılaraq, 345 manat müəyyən edilib.
Eyni zamanda, əmək pensiyasının minimum məbləği 280 manata çatdırılması nəzərdə tutulub.