Sevgilisini və onun rəfiqəsini öldürdü – narkotik, siçovul zəhəri və şizofreniya dərmanı …

Bir neçə gündür itkin düşən 23 yaşlı Dilarə Gültay  və 30 yaşlı Cansu Dəmirəl İstanbulun Kartal rayonunda evdə ölü tapılıb.

Medianews.az xəbər verir ki, İstanbul polisinin ilk araşdırmasından sonra xəstəxanaya yaralı olaraq müraciət edən Mustafa P.-nin itkin kimi axtarılan 2 qadını öldürdüyü müəyyən edilib.

Polis qrupları evdə apardıqları axtarış zamanı narkotik, siçovul zəhəri və şizofreniya dərmanı ələ keçirib.

İddialara görə, Cansu Dəmirəl və Dilarə Gültay adlı iki gənc qadın Gültayın keçmiş sevgilisi Mustafa Payana məxsus mənzildə görüşüblər. Səhər saatlarında polisləri çağıran Mustafa Payanın xəbəri üzərinə ünvana gələn polis qrupları, mənzildə olan Cansu Dəmirəl və Dilarə Gültayın həyatını itirdiyini təyin edib.

Araşdırmalar zamanı isə gənc qızları Mustafanın öldürdüyü məlum olub. Hadisə ilə bağlı ətraflı araşdırmalar aparılır.

Medianews.az