Qış ayları xəstəliklərin daha da artmasına, olan xəstəliklərin şiddətlənməsinə səbəb olur. Bu aylarda hər hansı bir xəstəliyi olan insan xüsusən diqqətli olmalı, vəziyyətin ağırlaşmaması üçün narahatedici faktorlardan uzaq durmalıdır.
Medianews.az xəbər verir ki, həkim-anestezioloq Şahin Məmmədov qrip, soyuqdəymə əlamətləri olan şəxslərin etdiyi 3 ən yalnış müalicələri qeyd edib:
“1. Sauna
Həm oradakı digər insanlara virusu yayırsınız, həm su itirməklə sağalmanı gecikdirirsiniz. Saunanın ümumi soyuqdəymə (common cold) əlamətlərini azaltması, sağalma müddətini tezləşdirməsi heç bir tədqiqatda sübuta yetirilməyib. Saunaya başqa vaxtlar getmək isə orqanizmə faydalıdır.
2. Soğan– sarımsaq
Bunlar faydalı qidalardır, amma onlara güvənib qripi ağır keçirəcəyi proqnozlaşdırılan insanların düzgün qabaqlayıcı tədbirlərini gecikdirmək olmaz. Çünkü virus əleyhinə heç bir təsiri yoxdur. Qrip vaxtı sogan sarımsaq yeməyin əhəmiyyəti ondan ibarətdir ki siz camaatdan uzaq gəzirsiz ya camaat sizdən uzaq gəzir, yoluxma azalır.
3. İçki
Geniş yayılmış mifdir. Qrip virusu təkcə ağızda, boğazda deyil ki, onu dezinfeksiya edə biləsiniz. Həm 40 faizli spirt nəinki onu, heç nəyi öldürmür. Əksinə sidikqovucudur, su itkisi verir, sağalmanı gecikdirir.
Spirtli içkilər qaraciyərdə zülal sintezini tormozlayır- bu da immunitetə böyük zərbədir. İçməyə bəhanə axtarırsızsa o başqa. Amma bilin ki, ondan ümumiyyətə insana ancaq zərər gələ bilər”.
Medianews.az