Media
Bir neçə müddətdir ki, Azərbaycanda qızdırma, öskürək, ümumi halsızlqla bağlı şikayətlərin sayı artıb.
Təəssüf ki, qış aylarında özünü biruzə verən bu əlamətlər insandan – insana keçərək daha da geniş miqyas alır.
Bəs görəsən, əhalinin çoxluq təşkil etdiyi yerlərdə, xüsusi ilə metrolarda, gigiyenik qaydalara nə dərəcədə diqqət edilir?
Bununla bağlı Medianews.az – a danışan Bakı Metropoliteninin Mətbuat xidməti və İctimaiyyətlə əlaqələr şöbəsinin rəisi Bəxtiyar Məmmədov bildirib ki, metopolitendə sanitar -gigiyenik normaların tələblərinə ciddi əməl olunması, onun istifadəyə verildiyi gündən müəyyən olunub:
“Qaydalar zaman – zaman dövrün tələbinə uyğun olaraq yenilənir və yaxud da əlavə olunur. Metropolitendə gün ərzində təmizlik işlərinə xüsusi diqqət edilir. Pandemiya dövründə məhz nəzarət mexanizmləri var ki, pandemiyanın qaydalarına uyğun olaraq əlavə qaydalar və digər məsələlərlə tənzimlənirdi. Bu gün də həmin proses davam edir.Yəni Bakı Metropoliteni istər sanitar – gigiyenik normalar, istərsə də ümümən təmizlik aspektindən dünyada sayılıb- seçilən metropolitenlərdən biridir. Hətta pandemiya dövründə insanlar müşahidə etdi ki, istər dezinfeksiya ,istərsə də təmizlik işlərinin görülməsi baxımından heç bir problem olmadı. Əksinə, ictimai nəzarət də daxil olmaqla, ən güclü nəzarət mexanizmi tətbiq olundu.Həmin sistemlər bu gün də davam edir.
Bəxtiyar Məmmədov bildirdi ki, ümumiyyətlə, metopolitendə istifadə qaydalarında bir mənalı şəkildə bununla bağlı xüsusi müddəalar var:
“Hər hansı bir insan yoluxucu xəstəliyə tutulubsa və yaxud da heyvanla metopolitenə daxil olursa, birmənalı şəkildə bu olmamalıdır. Əgər belə hal baş verərsə, metropoliten işçiləri də müvafiq tədbirləri görməkdə səlahiyyətlidirlər. Amma burada əsas nəzarət mexanizmi məhz insanların öz üzərinə düşür.Yəni xəstə insanlar çalışmalıdır ki, maksimum metropolitendən istifadə etməsinlər.Bu, sərnişinin üzərinə qoyulan əsas vəzifələrdəndir.Çünki hər bir insanın evinə metrodan istifadə edən insanlar daxil ola bilər.Həmin insan da öz məsuliyyətini dərk etsə, buna ictimai məsuliyyətini dərk edərək yanaşsa, daha müsbət nəticə verər. Belə olan halda həm özünü, həm də ətrafdakıları xəstəlikdən qorumuş olacaq.
İstər pandemiya dövündə, istərsə bu gün metropolitenin fəaliyətini əsas götürsək Nazirlər Kabineti yanında Operativ Qərargahın qəbul etdiyi qərarlar və tövsiyyələrə metropolitendə diqqətlə yanaşılır, əməl edilir. Stansiyalarda mövcud normativlərin tələbləri səviyyəsində bütün işlər öz ardıcıllıqla görülür. İstər adi vaxtda, istərsə pandemiya dövrü, istərsəsə də epedemiya dövrü olsun metropoliten öz işini ikinci plana qoymayıb və qoymayacaq. Adi dövrlərdə belə metropolitenin obyektlərində dezinfeksiya işləri müntəzəm aparılır. Hər həftə olmaq şərti ilə onun vəziyyəti qiymətləndirilir. Lazım olarsa, digər tədbirlər də görülür. Hər bir məsələ metropolitendə ciddi şəkildə icra olunur. Buna görə də mən və ailə üzvlərim ,eləcə də metropoliten işçiləri rahatlıqla metrodan istifadə edirik”.
Mehin Mehmanqızı
Medianews.az
