Hər kəs sevdiyi insanla münasibətlərinin əbədi qalacağına inanmaq istəyir. Siz doğru yoldasınızmı və birliyiniz uzun müddət davam edəcək hər şeyə sahibdirmi? Psixoloqlar bu əlamətləri sadalayıblar.
Qaynarinfo “Doktor Piter”ə istinadla xəbər verir ki, bu əlamətlərdən biri də cütlüyün bir-birinə inamıdır.
İki insan həç də həmişə bir-birinə həqiqətən etibar etmir – yəni digərinin ədəbinə, açıqlığına, xoş niyyəti və dürüstlüyünə tam əmin olmurlar. Ancaq bu hiss olmadan həqiqi uzun və güclü əlaqələr alınmayacaq.
“Əgər sevdiyiniz insana 100% etibar etmirsinizsə və özünüzü zəif hiss edirsinizsə, onunla hisslərinizi, problem və düşüncələrinizi bölüşməyiniz çətindir. – Psixoloq Kimberli Herşenson deyir. – Bir tərəfdaş digərinə “açıla” bilirsə, vacibdir ki, bu etibar zədələnməsin”.
Həmçinin, uğurlu münasibətin açarı cütlüyün yaxın təmasda olmasıdır. Uzun müddət sadiq bir münasibətdə olduğunuz zaman, öz ünsiyyət kodlarınızı inkişaf etdirirsiniz.
“Bir çox insanlar uzunmüddətli münasibətlərdə olsalar da, sadəcə yaxşı vaxt keçirir, əylənirlər, lakin onlar öz daxili düşüncələri və istəkləri, istədikləri barədə danışa bilmirlər”, – psixoloq, evlilik məsləhətçisi Erik Hant etiraf edir.
Münasibətlərdə inamı olmayan, təmaslarında “dərin” olmayan cütlüklər çoxlu münaqişələrlə üzləşirlər. Ekspert qeyd edir ki, belə bir əlaqə uzun ola bilməz. Hantın sözlərinə görə, yalnız bir-biri ilə danışmağı, ünsiyyət qurmağı, sual verməyi, maraqlanmağı bacaran, bir-birinin ehtiyaclarını anlayan cütlükləri uzun bir münasibət gözləyir.
Psixoloqlar cütlüklərdə qarşılıqlı anlaşmanı da xüsusi qeyd edirlər.
“Əgər uzun müddətdir birlikdəsinizsə, o zaman tərəfdaşınızı nəyin xoşbəxt etdiyini bilirsiniz və sevginizi necə göstərəcəyinizi başa düşürsünüz. Axı hamı hisslərini eyni şəkildə göstərmir, – psixoloq Jim Seibold deyir. – Partnyorumuzun ehtiyaclarını anladıqda onun üçün vacib və zəruri olan şəkildə hisslərimizi çatdırmaq və qayğı göstərmək bizim üçün daha asan olur. Təbii ki, eyni şey sevdiyiniz insana da aiddir. Bu, ikitərəfli prosesdir. Əgər bu məqamda sizdə hər şey qaydasındadırsa və bir-birinizin ehtiyaclarını başa düşməyə hazırsınızsa, o zaman münasibətlər xoşbəxt və uzun olacaq.