“İndi əvvəlki zaman deyil”- deyirlər. Səbəb isə yetişən nəslin daha mifik obrazlara, qəhrəmanlara inanmadığını əsas gətirirlər. Belə ki, əvvəlki nəslin uşaqları nağıl qəhrəmanlarının varlığına inanır, onu teatr səhnələrində izləməyə can atırdılar. Hazırda isə vəziyyət bir qədər fərqlidir. Belə ki, bu günümüz üçün aktual olan yeni ildir ki, onun qəhrəmanı olan Şaxta baba, qar qızının varlığına indi uşaqlar elə də inanmırlar. Şaxta babanın sadəcə əlbisə geyinmiş adi insan olduğunu deyirlər. Bəs görəsən uşaqlarımızın mifik obrazlara inanmaması nə qədər qəbulediləndir?
Mövzuyla bağlı Medianews.az-a danışan tanınmış psixoloq Fərqanə Mehmanqızı bildirdi ki, hər bir insanın həyatı qavrama yaşı var:
“Bu normal inkişaf etdikdə şəxsiyyətin formalaşmasına müsbət təsir edə bilir.
Eyni zamanda ədəbiyyatda nağıl qəhrəmanlarının müsbət və mənfi obrazı uşaqların baxışında mühüm rol oynayır. Müəyyən yaş dövründə uşaqlar mifik obrazlara inanması normaldır. Bu obrazlar sayəsində onlar doğru və düzgünü seçməyi bacarırlar.
Məhz Şaxta baba da Yeni ilin əsas obrazıdır ki,uşaqlara sevinc bəxş etmək,onlara xoş dəqiqələr yaşatmaq üçün yaranan və əsas bayramın qəhrəmanına çevrilən obrazdır. Həmişə uşaqların istəklərini gerçəkləşdirməyə çalışan Şaxta baba uzaq ellərdən nəvəsi Qar qızla gələrək bayrama şənlik qatırlar.
Bizim dövrdən fərqli olaraq bu gün uşaqların həyata gərçək baxması normaldır. Zaman da məhz onu tələb edir. Dövrümüz internet dövrü olduğu üçün uşaqların daha məlumatlı olması, gerçək baxması qəbul ediləndir. Çünki onların kənar mühiti alqılaması daha tezdir. Ona görə də onlar gerçəklikləri daha tez qəbul edirlər. Bu baxımdan Şaxta babanın mif bir obraz olmasını, hədiyyələrin valideynlər tərəfindən verilməsini də normal qəbul edirlər. Dövr o qədər sürətlə irəlləyir ki, artıq bu günümüzdə Şaxta babaya inan uşaq saf hesab edilir. Ona görə də valideynin öz ilə uşağı müqayisə etməsi düzgün deyil”.
Mehin Mehmanqızı
Medianews.az