Filippində təbii fəlakət 32 can aldı

 Medianews.az  xarici  mətbuata istinadla xəbər verir ki, Filippində güclü yağışlardan sonra baş verən daşqınlarda həyatını itirənlərin sayı 32-yə yüksəlib.

Fəlakət Riskinin Azaldılması və İdarə Edilməsi üzrə Milli Şuranın verdiyi açıqlamada seldə ölənlərin sayının 32-yə yüksəldiyi, 11 nəfərin yaralandığı bildirilib.

Açıqlamada həyatını itirənlərin  16-sının Mindanao bölgəsindən olduğu və bölgənin təbii fəlakətdən ən çox zərər çəkdiyi yerlərdən biri olduğu bildirilib.

18 əyalət daxil olmaqla ölkənin ən az 6 bölgəsində leysan yağışların səbəb olduğu daşqınlar səbəbiylə 56 min 110 adamın təxliyə edildiyi açıqlanıb. Təxminən 486 min adamın zərər çəkdiyi, ən az 81 min adamın isə xilas edildiyi paylaşılıb. 

Təbii fəlakətdə 4 min 68 evin zərər gördüyü, 123 yol və 12 körpünün daşqınlardan zərər çəkdiyi, bir çox evə elektrik enerjisinin verilə bilmədiyi bildirilir.

Hər il  orta hesabla 20 fəlakətlə üzləşən Filippin təbii fəlakətlərdən ən çox əziyyət çəkən ölkələrdən biridir.

Mehin Mehmanqızı 

Medianews.az